Wil... En Mag Ek? Poem by Johan Fourie

wil ek, kan ek, mag ek hierdie beker drink?
...vertrou, en weer in die binne kring in te bring?
...blootstel en oopmaak?
...het ek beheer en 'n keuse?
wat is die implikasies, as ek dit laat verbygaan?

soos 'n blom uit die aard van sy wese
...sy kelk vorm en ontvou
...en die stuifmeeldrade uitreik in sig
...en blootstel aan wind, voëls en insekte vir bestuiwing
het ons geen beheer oor reëls van die kosmos, gerig deur die heelal
gegewe dat ons toe ons die kelk vorm, soos die blom
die bye-, die wind-, en alwat insek daarbuite, uitgenooi het te kom drink

die blom, sy stingel en lower die resultaat van my gedagtes en behoeftes
die wortels was nie my keuse, maar die blom die resultaat
...en mag, en kan die wind kom, en kruisbestuif
...maar hopelik sal 'n insek suiwer die stamboom bewaar
deur toegewy slegs hierdie blom te bestuif