SATHEESAN E S

SATHEESAN E S Poems

മീന്‍കറി

ഞാനൊന്നു പറഞ്ഞാല്‍ അവള്‍ രണ്ടു പറയും
എങ്കിലും
...

തെക്കേമുറിയില്‍,
അഴുക്കുകെട്ടിയ കയറ്റുകട്ടിലില്‍,
ആര്‍ക്കും വേണ്ടാതെ
അയാള്‍ ചുരുണ്ടുകിടന്നു.
...

നട്ടപ്പാതിര


കൂട്ടിലായിട്ടധികമായില്ലവര്‍,
...

നിറം കെട്ട്


പിന്നിലായെല്ലാറ്റിലും,
...

എ' പോസിറ്റീവ്

അരമാര്‍ക്കിനു വേണ്ടിയായിരുന്നു എല്ലാം.
കൊടുക്കില്ലെന്നു ടീച്ചര്‍.
...

SATHEESAN E S Biography

Working as Associate Professor, Sree Keralavarma College, Thrissur, Kerala, India. Poet & Artcritic.)

The Best Poem Of SATHEESAN E S

മീന്‍കറി

മീന്‍കറി

ഞാനൊന്നു പറഞ്ഞാല്‍ അവള്‍ രണ്ടു പറയും
എങ്കിലും
രാവിലെത്തന്നെ ചത്തുമലച്ച രണ്ടയിലകള്‍ വാങ്ങി
അടുക്കളയിലെ ചട്ടിയില്‍ കൊണ്ടുവെച്ചു
അവള്‍ രൂക്ഷമായൊന്നു നോക്കി
ഒന്നു പറഞ്ഞാല്‍ അവള്‍ രണ്ടു പറയും, തീര്‍ച്ച

മീന്‍ കഴുകി മുറിക്കുമ്പോള്‍ അവളെന്നെ നോക്കി പറഞ്ഞു
'ഇതുപോലെ നിങ്ങളെ കഷണം കഷണമായി അറുക്കണം'
ഒന്നും പറയാതെ തന്നെ അവള്‍ രണ്ടു പറഞ്ഞു.

കറിയ്ക്കരയ്ക്കുമ്പോള്‍
'നിങ്ങളെ അമ്മിയില്‍ വെച്ച് ഇതുപോലെ കുത്തിച്ചതയ്ക്കണം'
എന്നു തന്നെയാകും അവള്‍ പിറുപിറുത്തത്

മീനില്‍ കുരുമുളകരച്ചു പുരട്ടുമ്പോള്‍
അവള്‍ പിന്നെയും പറഞ്ഞു
'ഇതു നിങ്ങടെ രണ്ടു കണ്ണിലും തേയ്ക്കാ വേണ്ടത്'
ഇപ്പോഴെങ്ങാന്‍ ഞാനൊന്നു മിണ്ടിയാല്‍
അവള്‍ രണ്ടല്ല സകലതും വിളിച്ചുപറയും

ഉച്ചയൂണിന് പൊരിച്ച മീനും കറിയും വിളമ്പിത്തന്ന്
അരികില്‍ ചേര്‍ന്നുനിന്ന്
അവള്‍ ചെവിയില്‍ ചോദിച്ചു
'മീന്‍കറി ഇഷ്ടായോ? '
'ഭേഷ്! '
ഇനി ഞാനൊന്നു പറഞ്ഞാല്‍
അവള്‍ക്കൊരായിരം പറയാനുണ്ടാകും

എത്രകാലമായി അവളെന്നെ
അരിശംകൊണ്ടു വെട്ടിനുറുക്കി
രുചികരമായ മീന്‍കറി വെക്കുന്നു!

SATHEESAN E S Comments

SATHEESAN E S Popularity

SATHEESAN E S Popularity

Close
Error Success