थाबायदोँ सिमा गैया Poem by Ronjoy Brahma

थखन थुग्रोम थुग्रोम
नागिरदोँ आं लामाखौ
गोसोम ससमा हमनानै
आन्दायदोँ आं अखोरांखौ
बै अखोरांआव सांग्रेमा जोँदोँ ना..
हार्थखि जोँदोँ ।
॰॰॰॰॰॰॰
खोमसि खोमलाव बुहुमा
हाखर हाला बुहुमा
नायनोल' समायना अराय मिथिँगाया ।
नुस'आ बबे लामाया खैसार सानाय
थेवबो थाबायदोँ आं दिनै
थखन थुग्रोम थुग्रोम ।
॰॰॰॰॰॰॰
गोथौ बिलोआव सायखं आंनि
खुवा खुवा सिगारेडनि उखुन्दै
मेगना आलौदोँ आंनि ।
नुहुरा आं नुहुरा जिउनि
सोहैगोन बै थांखिखौ
थाबायदोँ आं थाबायदोँ सिमा गैया-
माबोला मोनहैबावगोन
जिउनि गोजोनखौ
माबोला सौहैबावगोन
जिउनि
गोजोन आफादसिम ।