Seemab Akbarabadi

(5 June 1882 - 31 January 1951 / Agra / India)

Chamak jugnuu kii barq-e-amaan maaluum hotii hai - Poem by Seemab Akbarabadi

chamak jugnuu kii barq-e-amaaN maaluum hotii hai
qafas meN rah ke qadr-e-aashiyaN maaluum hotii hai

kahaanii merii ruudaad-e-jahaaN maaluum hotii hai
jo suntaa hai usii kii daastaaN maaluum hotii hai

havaa-e-shauq kii quvvat wahaaN le aayii hai mujhko
jahaaN manzil bhii gard-e-kaarvaaN maaluum hotii hai

qafas kii tiiliyoN meN jaane yaa tarkiib rakhii hai
ki har bijlii qariib-e-aashiyaaN maaluum hotii hai

taraqqii par hai roz-afzuuN Khlish dard-e-mohabbat kii
jahaaN mahsuus hotii thii, vahaaN maaluum hotii hai

na kyuuN Seemab mujhko qadar ho viiraani-e-dil kii
yah bunyaad-e-nishaat-e-do-jahaaN maaluum hotii hai

Listen to this poem:

Comments about Chamak jugnuu kii barq-e-amaan maaluum hotii hai by Seemab Akbarabadi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, April 18, 2012

Poem Edited: Wednesday, April 18, 2012


[Report Error]