Ahmed Nadeem Qasmi

(20 November 1916 - 10 July 2006 / Anga, Khushab / British India)

Ek lamhe ko thehar, main tujhe pathar laa doon - Poem by Ahmed Nadeem Qasmi

ek lamhe ko thehar, main tujhe pathar laa doon,
main tere samne ambaar laga doon lekin,
kaun se rang ka pathar tere kaam ayega,
surkh pathar jise dil kehati hai bedil duniya,
ya vo pathraai hui aankh ka neela pathar,
jis mein sadiyon ke tahayur ke pade hon dore
kya tujhe rooh ke pathar ki zaroorat hogi,
jis pe har baat bhi patthar ki tarah girti hai,
ik woh pathar hai jise kehte hain tahzeeb-e-safed,
us ke mar-mar mein siyaah Khoon jhalak jataa hai,
ik insaaf ka pathar bhi to hota hai magar….
haath mein teshaa-e-zar ho to woh haath aata hai

jitne mayaar hain is daur ke sab pathar hain,
sher bhi raqs bhi tasveer-o-ghina bhi pathar,
mere ilhaam tera zehn-e-rasa bhi pathar,
is zamane mein har fan ka nishaan pathar hai,
haath pathar hain tere meri zubaan pathar hai,
ret se butt na bana aye mere ache fankaar


Comments about Ek lamhe ko thehar, main tujhe pathar laa doon by Ahmed Nadeem Qasmi

  • Abduhoo Salamath (8/15/2016 11:47:00 AM)


    jitne mayaar hain is daur ke sab pathar hain,
    sher bhi raqs bhi tasveer-o-ghina bhi pathar,

    wah waah kia kahney hai, ...
    (Report) Reply

    0 person liked.
    0 person did not like.
Read all 1 comments »



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012

Poem Edited: Tuesday, April 24, 2012


[Report Error]