Pirzada Qasim

(8 February 1943 - / Dehli / British India)

Khun se jab jala diya ek diya bujha hua - Poem by Pirzada Qasim

khun se jab jala diya ek diya bujha hua
phir mujhe de diya gaya ek diya bujha hua

ek hi dastan-e-shab ek hi silsila to hai
ek diya jala hua ek diya bujha hua

mahfil-e-rang-o-nur ki phir mujhe yad a gai
phir mujhe yad a gaya ek diya bujha hua

mujh ko nishat se fuzun rasm-e-wafa aziz hai
mera rafiq-e-shab raha ek diya bujha hua

dard ki kainat main mujh se bhi raushani rahi
waise meri bisat kya ek diya bujha hua

sab meri raushani-e-jan harf-e-sukhan main dhal gai
aur main jaise rah gaya ek diya bujha hua


Comments about Khun se jab jala diya ek diya bujha hua by Pirzada Qasim

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, May 9, 2012

Poem Edited: Wednesday, May 9, 2012


[Report Error]