Lengolo Le Eang Sekolong Sa Heso(Machekoaneng) Poem by Kalimo Abednigo Pitso

BOTLE BA HAO BOA MAKATSA MOLEKANE
BOTLE BA SEKOLO SA HESO BOA TSOTEHA
KAJENO O NTSITSE LIKAKAPA BARUTEHI
MAOBANE O NTSITSE MATONA A NAHA
KAJENO KE MESUOE LE MESUOETSANA.

HA KE HOPOLA SEKOLO SA HESO KEABSARELOA
MOEA O SOLLA SEBAKENG KE TLHOLOHELO
O SITOA HO LULA BOKAHARENG BA KA
HA NKA LEBALA TSA SEKOLO SA HESO NKA KULA
TSONA TSA MEHLA E QOLUMETSENG.

NKA PONA JOALOKA PALESA
KA KOPA LEFATS'E LE NGAMOHE KE KENE
KE TLA BINA LIHALELUEA RE BAFITI LEFATS'ENG
NKA U HOPOTSA TSA SEKOLO SA HESO UA SARELOA
UA SARELOA KE TSE BOHLOKO U THABISOE KE TSE MONATE.

KE HOPOLA SELEMO E LE SA 1995
E LE KOLIA-MALLA PAKA MAHLOMOLA SEKOLONG SA HESO
NALELI E KHOLO EA OA
MOHALE A OA HO SE NA THAROLLO
MOFEREFERE OA QALEHA SEKOLONG SA HESO.

LIPELO TSA BANA BA SEKOLO TSA FARASA
LILLO TSA UTLOAHALA LITHABENG
LINONYANA TSA LLA SE BOHLOKO SEBOKO
LINOKA LE LIKPNOKANA TSA CHA
HO ORUHILE E MOHOLO MOSUOE.

KAJENO NGOANA UA MORENENG U ROBETSE
'M'E RAHABA MPO O RE THOBETSE
EA E-BA LILLO LE LITSIKITLANYO SEKOLONG SA HESO
EMPA U SEILE LA HAO LENGOLO MOTSOALI
RE ANYA KHATSELA LEBESE LA SE NONTS'A NAMANE HO LONA.

KAJENO PELO EA KA E BOHLOKO
KE HOPOLA MESUOE EA KA E ROBETSE
LE HONA E ROBALLA RURI
JOOO, NTATE KHOTSO KHOMOHAKA, MOKONE PITIKOE
LE BA BANG BA LIKAKA BA ITHOBALETSE
RE TLA SALA LE MANG HA KE ILE MESUOE.

HA NKA LEBALA MESUOE EA KA NKA SHOA
'M'E MPHO NAU, U KILE UA KENYA LETSOHO THUTONG EA RONA
U KILE UA BETLA LINALELI HO SA LE HOBE
U MPHO E KHOLO HO RONA BANA BA HAO
U PHELETSE LA HAO LEBITSO MOTSOALI.

'NA PELO EA KA E HLORELA MESUOE EA KA
KAJENO LETSATSI KE LA KHOPOTSO
'METLA KHOLA O HOPOLA MESUOE EA HAE
NGOANA KE FETOHILE SEIPONE SA SEKOLO SA HESO
KE THABILE KA LEBAKA LA MESUOE EA KA.

NKA LEBALA MOTLATSI UA MOSUOE HLOOHO JOANG
KAJENO KE BONA LEHLOKOANA LA TSELA HO 'M'E 'MABAHLAKOANA SEHLOHO
LIKELETSO TSA HAO LIA MAKATSA MOTSOALI U MPHILE THUTO KAJENO KE MONNA.

KAJENO KE ROMELA LENGOLO SEKOLONG SA HESO
KE TLOTLA MESUOE EAKA KA LENGOLO
THUTO E LOILE BANENG BA LONA MESUOE
KE LE HOPOLA KE LE LEFATS'ENG LA NYAKALLO
HO 'M'E MABALOISANE, U E LOISITSE THUTO
RE KHABA KA THUTO LEFATS'ENG LA MANDELA.

NGOANA KE FETOHILE MOHALALITOE LEFATS'ENG LA BALICHABA
KE ROLELA MESUOE EA KA KHAEBANA
KE BA APESA LIPURUMPERA LIPHAHLO TSA BARUTEHI
LE SUILE MAKOKO HAA ESO OME
KE IKHANTS'A KA LONA BATSOALI.

MOTHO U MOTLE HAA BOLELOA KE BATHO
KAJENO KE LE RORISA LE SA PHELA
HO E-SO FIHLI MESO EA LITS'EHO
LILLO LE LITSIKITLANO TSA MENO
LE SE QHANOLLE LIPERE TSA THUTO MESUOE.

KHELEKE KE FELLOA KE MANTSOE A TEBOHO
KE QETOA KE TLHOKOHELO LEFATS'ENG KA TS'OTLEHI
LITHABA LI HANA HO SIRUHA MAKHALO
KE BONE MACHEKOANENG BOTLE BO TSOTEHANG
HONA SEKHUTLONG SA THUTO EA BASOTHO.

KE BOLAOA KE LENYORA KE TLHOLOHELO
MESUOE FANG BANA THUTO BA RUTEHE
KA THUTO BA TSEBE BOKAMOSO
PELO EA KA EA BALA-BALA
LEBAKA KE LENGOLO LE EANG MACHEKOANENG

**********