Srimati Tara Singh


Naari Tum Sabhi Fulon Men Sundar Ho - Poem by Srimati Tara Singh

Naari tum swayan ek prakriti ho
Tumhi ho nabh-dhara ke bich wah setu
Jisase hokar praNi us anajaane
Nagar se is duniyaan men aate hain
Tum niraakaar ke grih se nikalii ek pratimaa ho

Tumhaari drisTi jis or gayi, wahin kamal khilaa hai
Tumhaare adharon ka rasapaan karane ke baad bhi
Nar sadaa tumako pane adhir rahaa hai
Nabh - bhu par sab gaan tumhaare hii praNay ka hai
Tum kavi kii kalpana ho, kavitaaoN ka shringaar ho
Tumhaare hi bal se kavi ki kavitaayen itani sundar hain

Nar - praaN ki sangini naari, tum sabhi fuloN men sundar ho
Tumhaari baanhon men sugandhit fulon ki lachakati hain Daliyan
Aur adharon par juhi ki kali-si hansi sada khelati rahati hai
Apani asthiyon ko jalaakar, jagat ko roshani denewaali
Maanavataa ki vipr-chhaaya ki tum aadi pujarin ho

Tum chatur chand ko bhi fuslakar dharati par le aati ho
BhaTTHiyon men lohe ko bhi galakar itr nikal leti ho
Mrit shav ko jinda karane chaayapur tak jaanewali
Tam pidit nar-man andhere ko haTakar ujiyara bharanewali
Apane man- darpaN par ghisakar, jivan ko taja karanewali
Badi lalasaa aur suyash aparadhon ki swikriti bhi tumhi ho

Nari hriday men sudha- sindhu sada hiloren leta rahataa hai
Agni bhi jalakar usamen kanchan sa rang deta hai
Bandhan vihiin parivartanashil hai yah dhara
Kabhi rup badalkar jalanidhi banati, vasudha
Udadhi banta marubhumi, jaladhi men jalati jwala
Par nari tumhara sada ek rup raha, karuNa aur maya


Comments about Naari Tum Sabhi Fulon Men Sundar Ho by Srimati Tara Singh

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, July 6, 2012



[Report Error]