Gajanan Mishra

Gold Star - 399,530 Points (3rd April 19sixty / Tikapali, Patnagarh, Balangir, Odisha, India now at Tapobana, Titilagarh, Odisha, India)

ଆକାଶତଳେ Under The Sky - Poem by Gajanan Mishra

1.

କବିତା ମୋ ପଛେ,
ମୁଁ କବିତାର ପଛେ।

ପରସ୍ପର ଆମେ ଜଣେ ଜଣକ ପଛରେ।

ଭେଟ ପାଉ ନୁ କେହି କାହାକୁ କେଉଁଠାରେ।

ଅବଶ୍ୟ ଅଛୁଁ ପ୍ରେମରେ ସତ୍ୟର ଦ୍ୱାହୀରେ।

ଭିତରେ ଥାଇ ଜାଣୁଛୁଁ କିଏ ଅଛି କେଉଁମତେ
କେମିତି କେତେବେଳେ।

ଯେ ଯାହାକୁ ପାରୁଛି ହସ୍ତ ଧରି
ଯାଉଛି ସୂର୍ଯ୍ୟ ଚନ୍ଦ୍ରଆଡେ।

ଆକାଶ ରହିଛି ଚାହିଁ ଚମତ୍କାର ଭାବରେ
ଯେ ଯାହା ରଥରେ ବସି ଏଠାରେ ଏଇ ମାଟି ଉପରେ।

2.

ଆସିଥିଲି ଭାବି ନ୍ୟାୟ ଅଛି ବୋଲି,
ଦେଖୁଛି ବ୍ୟାପିଛି ଅନ୍ୟାୟ ମୂଳରୁ ଚୂଳ।

ଭାବୁଛି ହେବ ନି ଠିକ୍ ରହିବା
ଏଠି ଆଉ ଅଧିକ ସମୟ।

ଭାବୁଛି ଯିବି ଚାଲି ଏଠୁ
ନେଇ ନିଜର ପୋଷାକପତ୍ର।

ଅନ୍ୟାୟାଳୟର ଅନ୍ଧାରରେ ହେବି ନି ଭାଗିଦାର।

ମା ମାଟି ମାତୃଭାଷାକୁ ପାରିବି ନି କରି ପର।

ଭାଇବନ୍ଧୁ କୁଟୁମ୍ୱ ଜାତି ସହିତ
ମିଛଖଚରେ ଦେଖାଇ ବି ନି ବୃଥା ପତିଆର।

କରିଦେବି ପଛେ ନିଜକୁ ନିଜେ ପଥର।ରହିବି
ସ୍ୱଚ୍ଛ ଆଉ ଦେଖାଇବି ପଥ ଆଲୁଅର,
ପାଇ ଯାହା ହେବେ ଧନ୍ୟ ଆଗାମୀ ବଂଶଧର।

3.

କେ ଅବା ଅଛି କେବା ନାହିଁ,
ଏହାର ନିଦାନ ନ ଥାଇ- ଅତିବଡି ଜଗନ୍ନାଥ ଦାସ।

ନିଦାନ ଖୋଜି ଖୋଜି ଏତେ ଦୂରୁ ଆସିଛି ମୁହିଁ
ଆଉ ପାଇଛି ପରିଚିତି ଭାଷାରେ।

ଜାଣେ ଭାଷା ହେଲେ ବି ଅଲଗା ଏକ ସଭିଏଁ
ପ୍ରେମରେ ସତ୍ୟରେ ମାଟିରେ ଏକା ଆକାଶତଳେ।

କିଏ କାହାକୁ ଯାଉଛି ଛାଡି, ନାହିଁ ଦୁଃଖ।
ଅଛି ଖାଲି ଆନନ୍ଦ, ଅଛି ସୁଖଭୋଗ।

ଥାଇ ନ ଥାଇ, ନ ଥାଇ ଥାଇ ଏଠି
ସବୁ ଆବୋରି ସଚରାଚର ବ୍ୟାପି,
ଅମୃତ ଧରି, ଆଲୁଅ ବିଛାଇ କରି
ଜୀବନ ଧନ୍ୟ, ଯାଉଛି ହଟି
ଆପଣାଆପେ ସମୟ ଦାରୁଣ।

Topic(s) of this poem: land, language, sky


Poet's Notes about The Poem

It is all about life, all about love of mother land, mother language.This is written in Odia language, Odia is the official language of Odisha, India

Comments about ଆକାଶତଳେ Under The Sky by Gajanan Mishra

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Thursday, January 11, 2018



Famous Poems

  1. Still I Rise
    Maya Angelou
  2. The Road Not Taken
    Robert Frost
  3. If You Forget Me
    Pablo Neruda
  4. Dreams
    Langston Hughes
  5. Annabel Lee
    Edgar Allan Poe
  6. If
    Rudyard Kipling
  7. Stopping By Woods On A Snowy Evening
    Robert Frost
  8. Do Not Stand At My Grave And Weep
    Mary Elizabeth Frye
  9. Television
    Roald Dahl
  10. I Do Not Love You Except Because I Love You
    Pablo Neruda
[Report Error]