Bhaskar Ramchandra Tambe

(27 November 1874 - 7 December 1941 / Mugawali, Madhya Pradesh / India)

घट तिचा रिकामा - Poem by Bhaskar Ramchandra Tambe

घट तिचा रिकामा झऱ्यावरी
त्या चुंबिती नाचुनी जललहरी

अशी कशी ही जादू घडली
बघता बघता कशी हरपली
त्या समजुनिया राणी अपुली
तिज उचलुनी नेई कुणी तरी

मिळत चालल्या तीन्ही सांजा
दिवसाचा हा धूसर राजा
चंद्रा सोपुनि आपुल्या काजा
घे निरोप कवळुनी जगा करी

पलिकडे त्या करुनि कापणी
बसल्या बाया हुश्श करोनि
विनोद करिती रमती हसुनी
जा पहा तिथे कुणी ही भ्रमरी

तिथे वडाच्या पाळीभवती
नवसास्तव मृगनयना जमती
कुजबुजुनी गुजगोष्टी करिती
रतिमंजिरी हेरा तिथे तरी

पलीकडे वेळुंची जाळी
तेथे वारा धुडगुस घाली
शीळ गोड ती कुठुनि निघाली
ही झुळुक हरपली लकेरिपरी

तांदुळ पदरी बिल्वदल करी
चरण घालुनी जवळ तळ्यावरी
जमति शिवालयि पोक्त सुंदरी
हिरकणी बघा ही त्यात तरी


Comments about घट तिचा रिकामा by Bhaskar Ramchandra Tambe

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Monday, September 10, 2012

Poem Edited: Monday, September 10, 2012


[Report Error]