Ada Jafri

(22 August 1926 - 12 March 2015 / Badayun, Uttar Pradesh / British India)

Honton pe kabhi un ke mera naam hi aaye - Poem by Ada Jafri

honton pe kabhi un ke mera naam hi aaye
aaye to sahi bar-sar-e-ilzam hi aaye
hairan hain labbasta hain, dilgir hain gunche
khushbu ke zubani tera paigam hi aaye
lamhat-e-masarrat hain tasavvur se gurezan
yaad aae hain jab bhi gam-o-alam hi aaye
taron se saja lenge rah-e-shahar-e-tamanna
maqadur nahi subho chalo sham hi aaye
yadon ke vafaon ke aqidon ke gamon ke
kam aaye jo duniya mein to is naam hi aaye
kya rah badalne ka gila hamsafaron se
jis rah se chale tere dar-o-bam hi aaye
thak har ke baithe hain sar-e-ku-e-tamanna
kam aaye to phir jazba-e-nakam hi aaye
baqi na rahe sakh "ada" dasht-e-junun ke
dil mein agar andesha-e-anjam hi aaye


Comments about Honton pe kabhi un ke mera naam hi aaye by Ada Jafri

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Monday, April 23, 2012

Poem Edited: Monday, April 23, 2012


[Report Error]