Mir Taqi Mir

(1723 - 1810 / Agra / India (Mughal Era))

Jis Sar Ko Garur Aj Hai Yan Tajawari Ka - Poem by Mir Taqi Mir

jis sar ko garur aj hai yan tajawari ka
kal us pe yahin shor hai phir nauhagari ka

afaq ki manzil se gaya kaun salamat
asbab luta rah mein yan ham safri ka

zindan mein bhi shorish na gai apne junun ki
ab sang madawa hai is ashuftasari ka

har zakhm-e-jigar dawar-e-mahshar se hamara
insaf talab hai teri bedadgari ka

is rang se jhamke hai palak par ke kahe tu
tukra hai mera ashk aqiq-e-jigari ka

le sans bhi nazuk ke ahista hai bahut kam
afaq ki is karagah-e-shishagari ka

tuk mir-e-jigar-sokhta ki jald khabar le
kya yar bharosa hai chirag-e-sahri ka


Comments about Jis Sar Ko Garur Aj Hai Yan Tajawari Ka by Mir Taqi Mir

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 20, 2012

Poem Edited: Friday, April 20, 2012


[Report Error]