Ibn-e-Insha

(15 June 1927 - 11 January 1978 / Phillaur, Punjab / British India)

Kal chaudhwin ki rat thi shab bhar raha charcha tera - Poem by Ibn-e-Insha

Play Poem Video

kal chaudhwin ki rat thi shab bhar raha charcha tera
kuch ne kaha ye chand hai kuch ne kaha chehra tera

ham bhi wahin maujud the ham se bhi sab pucha kiye
ham hans diye ham chup rahe manzur tha parda tera

is sheahr mein kis se milen ham se to chuti mahfilen
har shakhs tera nam le har shakhs diwana tera

kuche ko tere chor kar jogi hi ban jayen magar
jangal tere parbat tere basti teri sahra tera

ham aur rasm-e-bandagi ashuftagi uftadagi
ehsan hai kya kya tera ai husn-e-beparwa tera

do ashk jane kis liye palkon pe a kar tik gaye
altaf ki barish teri ikram ka darya tera

ai bedarg-o-beaman ham ne kabhi ki hai fugan
ham ko teri wahshat sahi ham ko sahi sauda tera

tu bewafa tu mahraban ham aur tujh se bad-guman
ham ne to pucha tha zara ye waqt kyun thehra tera

ham par ye sakhti ki nazar ham hain faqir-e-rahguzar
rasta kabhi roka tera daman kabhi thama tera

han han teri surat hasin lekin tu aisa bhi nahin
is shakhs k ashar se shohra hua kya kya tera

beshak usi ka dosh hai kahta nahin khamosh hai
tu ap kar aisi dawa bimar ho acha tera

bedard sunani ho to chal kahta hai kya achhi gazal
ashiq tera ruswa tera shayar tera 'Insha' tera


Comments about Kal chaudhwin ki rat thi shab bhar raha charcha tera by Ibn-e-Insha

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, May 9, 2012



[Hata Bildir]