Julian Cruz Balmaceda

(28 January 1885–18 September 1946 / Orion, Bataan / Philippines)

Kung Mamili ang Dalaga - Poem by Julian Cruz Balmaceda

Nang may labinlimang Disyembre pa lamang
ang dalagang aking naging kaibiga'y
ganito ang laging kanyang bulay-bulay
"Pagka't ang ganda ko'y di pangkaraniwan
ay pipili ako ng isang liligaw na
bata, makisig, mabait, mayaman."

Nang dumalawampung taon ang dalaga
at ang pinipili'y di pa rin makita'y
ganito ang kanyang nagunita tila:
"Hindi kailangan kundi man pustura
o kaya ay hindi sagana sa k'walta
kung bata't mabait ay maaari na."

Nang magdalawampu't lima at hindi rin
yata sumisigid ang isda sa pai'y
ganito ang kanyang parating dasalin:
"Ang gulang? Hindi ko aalumanahin,
may kabaitan lang na maituturing
kahit matanda na'y puede na sa akin."

At nang tumatlumpu't ni sinoman wari'y
wala nang mabuyong sa kanya'y gumiri
tahas na sinabing wa(ang pagkabali:
"Ngayon kahit sino'y walang tangi-tangi
huwag lang di mayrong sa aki'y bumati."


Comments about Kung Mamili ang Dalaga by Julian Cruz Balmaceda

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, May 15, 2012

Poem Edited: Tuesday, May 15, 2012


[Report Error]