aka mrkv

aka mrkv Poems

The Best Poem Of aka mrkv

Paghigugma Ko (Ilonggo Poem)

Ang paghigugma ko sa imo nagabaton sang imo pagkatawo
bisan sino ka pa sang una
bisan ano ka pa subong
bisan paano ka pa mangin sa palaabotoon

Ang paghigugma ko sa imo wala sang palaanggiran
indi mahambal
indi matungkad
indi masayran

And paghigugma ko sa imo sa kada adlaw bag-o
sa pag-abot sang bagyo
sa paglikop sang dulom
sa paghalok sang adlaw sa panit mo

Ang paghigugma ko sa imo mapagkit sa akon paino-ino
kaangay sang dugo sa dughan
kaangay sang lawas sa tul-an
kaangay sang hangin nga ginakinahanglan

Ang paghigugma ko sa imo indi mapunggan
bisan sang nagligad
bisan subong
bisan asta sa kataposan.

imo pirmi.

aka mrkv Comments