आं नै थाम बोसोर बैसोनि,
आइया बुंदोँमोन-
आव आव स'ना फिथर
जोहोलाव नोँ जोहोलाव
...
अनजालिया आनदोयैब्लाबो फैदोँमोन
खुगाजोँ राव गैयाब्लाबो
गोरबोजोँ रायदावदोँमोन अनसुलि रावयै
/
...
फ्रि फ्रि अखायाव
फ्रि फ्रि बार
स्लिँ स्लिँ खेँस्ला-
सुदेम बारनि
...
गोरबोनि बिबार दोरमि लांदोँ,
लाजिस्लु अनजालिखौ नायगिरै नायगिरै,
हर सान एमब्रायै बारलांदोँ,
मोदै रथ' रथ' गाबै गाबै ।
...
उदांस्रि हो जोँनो
हारिनि रोँगौथिखौ फेहेरनो
जोँ दावगा लांनो सिगां सिगां
सोमखोर अखोराङाव बिरनो उदां उदां ।
...
अनजालिनि-
बेस्रां मेगननि सोरां
फागोला जायो
आंनि गोरबोनि थै
...