आं नै थाम बोसोर बैसोनि,
आइया बुंदोँमोन-
आव आव स'ना फिथर
जोहोलाव नोँ जोहोलाव
दा गाब स'ना दा गाब
नोँ हाथरखि जागोन फिसा
नोँ सान जाना सोरां होगोन
नोँ गेदेमा सुबुं जागोन
/
आइनि अननायाव
आइनि बोर सारस्रिनायाव
सिथलायाव बनाय धारायाव उन्दुना
आं हाथरखि आजावना थायो
/
हाथरखि नोँ बेसे गोजौआव?
हाथरखि नोँ बेसे गोजोँ?
आं नोँजोँ गोजौआव थाहैनो
आं नोँ बायदि गोजोँ जानो
लोगो लाफागोन ना आंखौ?
नोँनि सोरां गोहोखौ होगोन ना?
/
नङा!
आं थांनो हाया नोँजोँ
नोँ फै लोगो नोँ फै
आं बे सिथलायावनो
नोँखौ आजावना थागोन
/
15/09/2015
07: 22am
This poem has not been translated into any other language yet.
I would like to translate this poem