मिनिस्लुयो लाजिस्लुयै
आंखौ बोदोर खालामो
जिउ सानस्रिया सिरि मोनो
लाबोयो मानिबा खराग
...
मिथिंगा सिख्ला अनजालि
मा एसेदि समाइना
हायनारि महर नोंनि
देलाइस्रि निजोम नों
...
नोंनि गोरोन्थिखौ
आं दिनै निमाहा होबाय
उन्दै बोसोआव नोंनि संसाराव आगान होनाय
आंखौ सोगाबदोंमोन
...
लांथिया खाखोराव एरदोंमोन
रेबगननि खर'खौ गोजों खालामना
मुहिनायनि देंखो आगरजों
नोंनो गथाइहरनो हाबिला लाना
...
नोंनि खन्थाइ आं फरायबाय
नोंनि सानस्रि आं सिग्रोमबाय
थारैनो नों आंनि मोन्दांथियाव
गंसे राफोद बैथा जिउ दिङा जावनायाव।
...
बैसागो बोथोरनि बरायनायाव
बैसागि सिख्लाया देलाइस्रि महर लाबोबाय
फैदो आइ-आफामोन
आबै-आबौ, आदै-मादैमोन
...
दायो बिफां रानज्रिंदों
दालाय गोरानाव बादों
दाउखा सिला-सिगुन गुगा ब्लां ब्लां
मेगन फेदेरना ख्लां ख्लां
...
मोदैनि मोदाननायजों मेगना
साया माया नुहुरबावो
खारलिंनाय थैसाम दुब्रि हाग्रानि
गारबोनाय माखासे बोसोर आरो दानि।
...
दंमोन जोंहाबो राजा महाराजा
दंमोन गोजोन राज्यो
गोमानानै थाङो गावजों-गाव खौसे गैयियाव
जानांबायदों दिनै हामा-दैमा।
...
बर' हारि जों
थैग्लुंयो गावजों गाव
अनलायनायनि राव नांथायो गारामायावनो
खौसेनि नेर्सोन सोंथेयाव स'सेयावनो
...