बर' हारि जों
थैग्लुंयो गावजों गाव
अनलायनायनि राव नांथायो गारामायावनो
खौसेनि नेर्सोन सोंथेयाव स'सेयावनो
उदां खबाम गोमायो
देंखो थादयो सिरिसेयावनो।
-
सम' खांख्राय बर'नि खबाइयाव
दाथुर मावा बर'नि जेखाइयाव
मा जानोमोन उन्दै समाव
आइ-आफा आबै आबौ आदै मादैमोन लाइनाय
दैमा बिलो दंग'-दंला
जेनिबो आंखाल गैयामोन।
-
बुंनायमोन आबै-आबौ गोजांबोथोरनि अरदाब सेराव
खुरै खथ्रायाव उसिफावनाय जौ बिदै
रोदाव रोदाव रद-र'द बेदरजों
नाहा मैहा थांनाय उन्दै गेदेर
बेनोसैमोन बर'नि हाबा।
-
मुगाया थिननाय लेखा
साबखांबाय जोंबो दिनै एसे
दावगानायनि जिउ दिङा जावनायाव
हमबाय जोंबो राफोद बैथा।
This poem has not been translated into any other language yet.
I would like to translate this poem