Muzaffar Warsi

(20 December 1933 - 28 January 2011 / Meerath / India)

Aadmi Chonk Chuka hai magar utha tou nahi - Poem by Muzaffar Warsi

Aadmi Chonk Chuka hai magar utha tou nahi
main jisey dhoondh raha hon yeh woh dunya tou nahi

Rooh se dara mila, dard se aankhain na mili_n
Tujh ko mehsoos kiya hay, tujhay dekha tou nahi

Rang si shakal mili hay tujhay khoushboo ka mizaj
lala o gul kahen tera he sarapa tou nahi

Chehera dekhon tou khadokhal badal jate hain
Chup k aainey k peechey koi betha tou nahi

Phaink ker maar zamee_n per na zamaney! mujh ko
toot he jaaonga jesey main khilona tou nahi

Zindagi, tujh se her ek saans pe samjhota karon
shoq jeeney ka hay mujh ko magar itna bhe nahi

Meri aankhon main tere naqsh-e-Qadam kesey hain
iss saraa_ye main musafir koi tehra tou nahi

Sochtey sochtey dil doobney lagta hay mera
Zehen ki teh main muzaffar koi Darya tou nahi


Comments about Aadmi Chonk Chuka hai magar utha tou nahi by Muzaffar Warsi

  • (5/27/2014 9:00:00 AM)


    .............a wonderful poem....thanks for sharing.. (Report) Reply

    0 person liked.
    0 person did not like.
Read all 1 comments »



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, April 11, 2012

Poem Edited: Wednesday, April 11, 2012


[Report Error]