Mohsin Naqvi

(1955 - 15 January 1996 / Sadat, Punjab / Pakistan)

Zikr-e-shab-e-firaq se wahshat use bhi thi - Poem by Mohsin Naqvi

zikr-e-shab-e-firaq se wahashat use bhi thi
meri tarah kisi se muhabbat use bhi thi

mujh ko bhi shauq tha naye chehron ki did ka
rasta badal k chalne ki adat use bhi thi

us rat der tak wo raha mahw-e-guftagu
masruf main bhi kam tha faragat use bhi thi

sunata tha wo bhi sab se purani kahaniyan
taza rafaqaton ki zarurat use bhi thi

mujh se bichar k shahar main ghul mil gaya wo shakhs
halanke shahar bhar se raqabat use bhi thi

wo mujh se barh k zabt ka adi tha ji gaya
warna har ek sans qayamat use bhi thi


Comments about Zikr-e-shab-e-firaq se wahshat use bhi thi by Mohsin Naqvi

  • Abduhoo Salamath (8/18/2016 2:25:00 PM)


    wo mujh se barh k zabt ka adi tha ji gaya
    warna har ek sans qayamat use bhi thi

    bahuth khoob..
    (Report) Reply

    0 person liked.
    0 person did not like.
  • Abduhoo Salamath (8/18/2016 2:23:00 PM)


    mujh se bichar k shahar main ghul mil gaya wo shakhs
    halanke shahar bhar se raqabat use bhi thi

    kia kahney hai wah wah..
    (Report) Reply

Read all 2 comments »



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, May 9, 2012

Poem Edited: Wednesday, May 9, 2012


[Report Error]