Losus Makofane Marumo wa moAfrika

Losus Makofane Marumo wa moAfrika Poems

The Best Poem Of Losus Makofane Marumo wa moAfrika

Mmashadi O Kae?

(Mmashadi ke Jane Furse)
Ke kwele, keitse ke tlo kwisisa.
Ke badile, keitse ke tlo badisisa.
Ngwaritsi ke tshetse, efela ga go tsela.

Mmashadi kgane o kae?
Ke letse ke sepela,
Ebile ke tsoga ke sepela,
Ke letse ke namela dithaba,
Ke fologela meeding,
Lehono ke fihlile efela ga go motho,

Mmashadi o kae?
Leile kae bapedi, a lesetswe naa?
Ke ra lena babina diphoofolo,
Bana ba thari ya maapara nkwe,
Batho ba go busha ke magoshi,
Bosele bathong hlatlegelang!
Hlalang mapae le tleng le nnyakiseng.

Nebo le Phokwane, a leile kae naa?
Le ile kae ga-malaka, Mamone le kae?
Ke ra ga-moloi, glen cowie le tsogile naa?
Nthuseng hle ma-Afrika,

A mmashadi le kae?
Ga-Mashabela, Masemola, Marishane, Moripane, Riverside, Mokwete, Molepane, Vergelegen, Moretsele, Dochoeung, Madibong, Schoonoord, marulaneng, ngwanamatlang,

A sello sa ka le a sekwa naa?
Ka mmago o paletswe mmangwana molomo maphutha ditshaba,
Ke neng ke nyaka,
Ke neng ke botsisa,
Ma-Afrika ke hloka tsela,
Tshepo le Kholofelo ba ntlhanogetse,
Kgotlelelo le yena o lapile,

Mmashadi kganthego o kae bathong?
Wa hloka mogau, ka lala ke bitsa ebile masa a wele,
Mmashadi weeeeeeeeee

(Megokgo ya theoga marama,

Losus Makofane Marumo wa moAfrika Comments