Ba Kae Banna Ba Kgoro? Poem by Losus Makofane Marumo wa moAfrika

Ke kwele mokgolokwane ke sa tsela noka,
Ke sa tshela Ngwaritsi,
Ka kwa go dumaduma, go phethesela,
Go nkga lerole, tlhako e eja motho.

Jooo nna mma weeee
Baswa ba fetogile, ba boetse bogologolo,
Ba tseba theto, ba sheba ka mokgolokwane,
Eee, mokgolokwane se roba pelo tsa baloi,
Mokgolokwane se inamisa masogana.

Ba kae banna ba kgoro?
Le go kae bakgalabje?
Le go kae beng ba mafata?
Ke ra lena dilepe di lala di louditswe?
Phoka tsa go gana ge le hlaba?

Pele ke lebala, gape nna mo-Afrika mokgolokwane ke a o kgona, lol

Eee, gape nna ke mo-Afrika
Ke mo phutha ditshaba,
Ke kgoro ye e amusago e sa kgaotse,
Kgoro ya go hloka semorafe,
Ke belege bathobaso le makgowa,
Maleme ke kgotla o mone,