आइनि रावाव जोँ दाबो खौसे Poem by Bahadur Basumatary

जोँ खौसे
जोँ दाबो खौसे
थांखिया सैथोब्ला
बाथ्राफ्रा नंखाय नंङाब्ला
नङा जोँ एना एनि गावस्रानाय
दाबो जोँ खौसेयैनो दं।

ओइ बुहुमनि सुबुंफोर
नोँसोर जोँनि बिखाखौ बोखावनानै नाय
रायजो राजानि गोरबोयाव मोनसे सोदोब दं
'बड'लेण्ड'
बेनोथ' जोँनि मोन्थाइ, समान्थाइ
आरो थार न्यायनि सिनायथि।

गावनि मुलाम्फायाव
दैदेनगिरिया थांखिनिफ्राय एरायलांनो हागौ
नाथाय रायजो राजाया मोन्थायखौ माब्लाबाबो बावगारा
बिमानि बोसोनखौ जोँ नागारा

मानोना
जोँहा मोनसे सोदोब दं
आइ बुंलांनाय फंसे राव
'बड'लेण्ड'
जेराव जोँ दाबो खौसे।