अनजालिनो गांसे लाइजाम Poem by Bidindra Basumatary

फागुन सैत्र दाननि
जावलिया बारनि दाब्रायनायाव
सिरिनाय लामब्र बिफांफोरा
दिनै सोमखोर महर लाबोगौ
बैसाग दाननि बरायनायाव
मिथिंगा सिख्लानि देलों महर
सारफावदों हायना।
बैसागि सिख्लाखौ बरायनो
इसिं खनानि
गोदै माइब्रा बिदै
संना दोननाय नोंनि
आं लोङा बेखौ अनजालि
नोङो आंनो
साहा कापसेखौनो फुदुं
सौरायजों बेखौनो आं लोंगोन।
एम्फौ सोमजिलाइनाय
गोजा जाहाबलाइनाय
बै माइब्रा रोसि
आं साबजाया अनजालि
आं इसेबो साबजाया।
आफाया बेखौनो लाना
फिसा-फिसौ इयुन मिजिं
हायासै मोजाङै बेखेवना होनो।