जोंनि आंगो लोगो अरायनि
रेबगन,
जोंनि जिउनि सुथुर होबथाग्रा
रेबगन;
जोंनि गोसो गोर्बोखौ गोजोनहोग्रा
सुबुंस्रिनि गोहोखौ बोजबना लाग्रा
बुहुमनि खौरां दोन्थुमग्रा
समायना-रमायना गाब सारफावग्रा
जोंनि बिख्लो अराय समनि
रेबगन ।
फै नों बर'नि आखाइयाव
जारिमिन सोरजिनो, थुनलाइ लिरथुमनो
रावखौ फोथांनो, हारिमुखौ फोजौनो
हारिखौ गेरेमसा खालामनो
नुजाफै नों जोंनि जेंनायाव।
This poem has not been translated into any other language yet.
I would like to translate this poem