आं मानो एरो Poem by Bidindra Basumatary

नैबे लांथिया खाखोराव
रंजालु, मोसालु रेबगनजों
आं मानो आगर एरो?
मानो एरो?
गोसोनि बिदैखौ एरनना
सानबोलावरिखौ फोजाना
उखैनाय खाखोरखौ एसे उखैगाहोनो
लांथियायै समायिखौ एसे देलाइहोनो
आं एरो आगर, आं एरो।
नोंसोरबो लिरोने बिदि सानना?
ना बिदि नङा?
जौमोननि उरां फारां गोसोआबो
गोजोननार मोनो एरना
नबथि लुयो बेजोंनि
सानस्रिनि समायना नबथि।
गोजामखौ दोननो
गोमाखौ खिन्थानो
गोसोनि रावखौ फोरमायनो
सानस्रिनि आगरखौ खिन्थानो
आं एरो
आं लांथिया खाखोरनो
जिख्लाबसे गस्ला फिनो।