أنت يا شعب Poem by Majid Gaggi

بمناسبة اثبات القضاء العراقي براءة رئيس البرلمان من التهم الموجهة اليه


أنت يا شعب نعم أنت المرتشي ورب الفاسدين
وأنت الحرامي والناهب أبداً ما هم السياسيين
نعم أنت السبب وبيك العيب وأهو ظاهر للعين
قادتك ونوابك مال ها الوكت ترا كلهم همّ زينين
هم قمة في النظافة والنزاهة وترا هم متدينيين
ملائكة هم بريئين أبد ما سووّا ألك شيء شين
أنت اللي خربّت البلد وهم أنت اللي زيّدت الدين
ملياراتك بروحها طفرت وما أدري راحت وين
صفرّت وفرغت الخزينة ولا ضل بيها فلسين
محّد خمطها وخذاها لا كبل لا هسه ولا بعدين
لا تكول ماعندي محاكم ولا قضاء أبد مو زين
قضايا فساد جبيرة نهاها وفضها ألك بساعتين
قضاتك حيل نزيهين لا تكول عليهم أبو حصين