त्यो दृष्य Poem by Basanta Lohani

त्यो सानो सुन्दर बस्ती
जहा सूर्यको किरण फैलिन सकेन
घाम छेकेर बस्नेहरुको डफ्फा
लुगलुग कामेकाहरुलाई देखाएर
तिनलाई न्यानो दिलाउन
तिनैको नाममा
रगतको बिस्कुन सुकाईरहेका छन्
यस्तो डफ्फाहरुको अदली बदलीमा
सिमित भएका ती जिन्दगीहरु
सपनाको खरिद बिक्रीबाट
फस्टाएको बजारलाई
टोलाएर हेरिरहेका छन्

ल फेरि आर्कै डफ्फा आएछ
तर त्यो बस्ती भित्र
अध्यारो उस्तै छ
ती झन् कामिरहेका छन्
फरक यत्ति हो
आज त्यो दृष्य
अझ टढैबाट देखिन्छ