കവിതയല്ലിതു സഖേ
ഞാനൊരുകവിയുമല്ല
ഇതിവൃത്തമില്ലിതില്
വൃത്തമില്ല, പടുതയില്ല
താളക്രമത്തിലൊതുങ്ങാത്ത താളം
ചിട്ടസ്വരത്തിന്നിണങ്ങാത്തരാഗം
പാഴ്മുളം തണ്ടിന് മുറിവിലൂടൊ
ഴുകുന്നനിര്മ്മലനിശ്വാസവേഗം
എന്മോഹമുണ്ടിതില്
ചില മോഹഭംഗമുണ്ട്
വ്യഥയുണ്ട്, ശോകമുണ്ടെ
ന് ഹ്രിത് സ്പന്ദമുണ്ട്
താളമിടഞ്ഞുവോ, ഗാനത്തിന്
ഈണം പിഴച്ചുവോ,
തനിയാവര്ത്തനവിരസമായ്
തീര്ന്നുവോ ചൊല്ക നീ സഖേ
This poem has not been translated into any other language yet.
I would like to translate this poem