Bahadur Basumatary

Rookie - 151 Points (27/2/1994 / India(Assam) , Chirang(Tukrajhar))

सिनायमोनि आंनि सिमांनि रजे - Poem by Bahadur Basumatary

आंनि रजे........... नोँ जोबोर समायना! नाथाय आं दाबो नोँखौ सिनायाखै रजे आंनि सान-हर उन्दुनायनि सिमांफ्राव आंदि नोँखौ साया मायाल' नुयो बोदोरल' खालामो खंख्ला गोसोखौ। नाथाय....... नोँ आंनि सिमाङावल' फैमालाय मा जानो? आं नोँखौ सिनायामालाय मा जानो? नोँदि आंनि हरफ्रोमबो सिमाङाव लाबोयो गोसोथोनायनि गोदै फिथिखा। आं नोँखौ माबोरै बावनो हानो रजे? नोँनि समायना-रमायना गोमो-गोथां रं-बेरंनि हरनाय नोँनि आर'नाय। आं बावनो हाया रजे आं नागारनो हाया, नोँनि समायना मनालिसानि महर दाव मैनानि गारां मिजि आखायनि आखल गोनां ददेरे-फांदां अनसुलि थार बर' सिख्ला। नाथाय......... आंदि नोँखौ दासिमबो सिनायाखै रजे, बोसोरफ्रोमबो बैसागुयाव सानैजोँ रंजाबाय बै सिमां रायजोयाव, बैराथिफ्राबो हिन्जाव गोदान महरै नोँखौ बरायबाय, आंनि-नोँनि सनानि देराखौबो लुबाय। थेवबो.......... आंदि नोँखौ दासिमबो सिनायाखै रजे नोँनि गुबै मुं, थंफोरखौ मिथियाखै, नोंनि समायना महराल' आंनि उन्दुलांनाय गोरबो बिखाखौ फोजाफैयो। बेफोर जेखि जादोला रजे, नोँ जेसेबांखि आंनि मेगननि आन्दोयाव थायामानो जेसेबांखि आंनि गोसैखौ सोगाबबाय थायामानो थेवबो नोँथ आंनि सोरबा सासे सैनायखा फैगौ मोखथां संसारनि नङाब्लाबो आंनि हरफ्रोम सिमां रायजोनि रजे। दिनै आं नोँखौ खावलायो रजे नोँ नोँनि समायना महरखौ लानानै बेबादिनो फैबायथा रजे आंनि हरफ्रोमबो उन्दुनाय सिमाङाव आंनि गांहाबनाय बिखाखौ आबुं खालामनो, आंनि गोसोखौ जेब्लाबो गोजोनै लाखिनो सानैजोँ रंजाबाय थानो।

Topic(s) of this poem: romantic


Poet's Notes about The Poem

DREAM

Comments about सिनायमोनि आंनि सिमांनि रजे by Bahadur Basumatary

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Monday, July 28, 2014



[Report Error]