04042016 Poem by DINGRAI BASUMATARY

आं मिथिया....
नों आरो आंनि...
गोरबोनि गोथौ मोन्दांथि

बै गोजांज्रोम आलायारन मिनिनायजों
नों हरफादोंमोन जेब्ला, सोरांनि दिंआयाव
गोरबोनि गासै अन्नाय
आं रंजायाखैमोन
नाथाय जिउनि गासै गोहोयादि बेयावनो दं
आं मोन्दांदोंमोन गाख्रेबजानाय मेलेमजोंब्लाबो

दा नाथाय बै सानस्रिया मोस्लेर जालांबाय
आंनि जिवाव आंखालआ बोहैफ्लेनायाव
दा आं बावगारो एखमब्ला आंदि आंनो...

थेवबो औवासुं खनानि आदुमब्रा बिफांआव
खौऔ जो जोलानि खुगा रुजु रुजु गाबनायाव
बैसागो सफैथारनोसैनि इसाराखौ मोन्ना
आंनि गोसोआ बोदोर जायो..
बुंनो सानो नोंनो आंनि जिउनि थुलुंगा...