Ahmed Nadeem Qasmi

(20 November 1916 - 10 July 2006 / Anga, Khushab / British India)

Ab tak to nuur-o-niKhat-o-rang-o-sadaa kahuu.N - Poem by Ahmed Nadeem Qasmi

ab tak to nuur-o-niKhat-o-rang-o-sadaa kahuu.N
mai.n tujh ko chhuu sakuu.N to Khudaa jaane kyaa kahuu.N

lafzo.n se un ko pyaar hai mafhuum se mujhe
vo gul kahe.n jise mai.n teraa naqsh-e-paa kahuu.N

ab justajuu hai terii jafaa ke javaaz kii
jii chaahataa hai tujh ko vafaa aashnaa kahuu.N

sirf is ke liye ke ishq isii kaa zahuur hai
mai.n tere husn ko bhii sabuut-e-vafaa kahuu.N

tuu chal diyaa to kitane haqaa_iq badal gaye
najm-e-sahar ko marqad-e-shab kaa diyaa karuu.N

kyaa jabr hai ke but ko bhii kahanaa pa.De Khudaa
vo hai Khudaa to mere Khudaa tujh ko kyaa kahuu.N

jab mere muu.Nh me.n merii zubaa.N hai to kyuu.N na mai.n
jo kuchh kahuu.N yaqii.n se kahuu.N barmalaa kahuu.N

kyaa jaane kis safar pe ravaa.N huu.N azal se mai.n
har intahaa ko ek na_ii ibtidaa kahuu.N

ho kyuu.N na mujh ko apane mazaaq-e-suKhan pe naaz
Gaalib ko kaa_inaat-e-suKhan kaa Khudaa kahuu.N


Comments about Ab tak to nuur-o-niKhat-o-rang-o-sadaa kahuu.N by Ahmed Nadeem Qasmi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012

Poem Edited: Tuesday, April 24, 2012


[Report Error]