Bhookh Poem by Shambhu Dan Mehru

Jise kahte hein
bhookh
kya parichay du?
ek
kali syaah
vikaraal deh
isaki deh par
na aankh
hai
na kaan hai
aur
na hi sochati hai
sara shareer dhala hai
teen ango me
bhounde se -mote se
khur- dare haath
jo hamesha tayyaar
rahate hein
phate hue muh ki
gulami ke liye
tedha- medha
bore sa pet
jaha kahein jo bhi
nigla wo isaka ansh
ho gaya
kitne Bangali mar gaye
bhookh se
pur bhookh kaha marti hai?
chibal-chibal (sound of chewing)
gaati hai
roti ka geet
abhi tak nahein
pahuncha isaka hath
chaand tak
varna-
kabhi ka chaand
pahunch gaya hota
ghupp andhiyare,
bore se pet me
roti bankar,
kisi kutiya ke pet
palti hai bhookh
idhar
naya garbh chhutata hai
woh seedha pet me
pahuchta hai, uske
hum bhi palte hein bhookh
pet me
pur phalati-phoolti
hamare dimaag me hai
kabhi boodhi nahein hogi bhookh
ek din
isaka
khurdara, mota hath
pahuch jayega chaand tak
aur
chaand ko nigal jayega.