Bonnie George Campbell Poem by Anonymous British

Hie upon Hielands,
and laigh upon Tay,
Bonnie George Campbell
rode out on a day.

He saddled, he bridled,
and gallant rode he,
And hame cam his guid horse,
but never cam he.

Out cam his mother dear,
greeting fu sair,
And out cam his bonnie bryde,
riving her hair.

‘My meadow lies green,
and my corn is unshorn,
My barn is to build,
and my babe is unborn.

Saddled and bridled
and booted rode he,
A plume in his helmet,
a sword at his knee.

But toom cam his saddle,
all bloody to see,
Oh, hame cam his guid horse,
but never cam he!