Ngulo yam iyandibhokodisa;
Ayindilalisi imini nobusuku
Ngulo yam iyandintlokothisa;
Indiphathisa ngophuku
Ngulo yam ayifun’ ugqirha;
Iyeza layo lisekhaya
Andithakathwanga gqwirha;
Ndophiliswa ekhaya
Abaninzi bayayibaleka;
Mna ndiyayisabela
Isininzi siyayinyasha;
Mna ndiyayamkela
Bizo lwam lokhanyisel’ isizwe;
Ibe yimpiliso kwabagulayo
Amaqwil’ azophilis’ isizwe;
Kuso isizw’esigulayo
Ungandihleki kuba ndiyagula;
Ngokukwanjalo nawe uyagula.
This poem has not been translated into any other language yet.
I would like to translate this poem