Nasir Kazmi

(8 December 1925 - 2 March 1972 / Ambala / British India)

Jurm-e-inkaar kii sazaa hii de - Poem by Nasir Kazmi

jurm-e-inkaar kii sazaa hii de
mere haq meN bhii kuch sunaa hii de

shauq meN hameN nahiiN ziyaadaa talab
jo teraa naaz-e-kam-nigaahii de

tuu ne taaroN se shab kii maaNg bharii
mujh ko ek ashq subh-gaahii (?) de

tuu ne banjar zamiiN ko phuul diye
mujh ko ek zakhm dil-kushaa hii de

bastioN ko diye haiN tuu ne chiraaG
dasht-e-dil ko bhii ko'ii raahii de

umr bhar kii navaa-garii kaa silaa
ai Khudaa! ko'ii ham-navaa hii de

zard-rau hain warq KhyaaloN ke
ai shab-e-hijr ! kuch siyaahii de

gar majaal-e-sukhan nahiiN "Nasir"
lab-e-khaamosh se gavaahii de


Comments about Jurm-e-inkaar kii sazaa hii de by Nasir Kazmi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 13, 2012



[Report Error]