Kahin Khayalon Ke Kisi Kone Mein Aapki Ek Jhalak Si Mil Jaati Hai Poem by Anam Rizvi

Kahin khayalon ke kisi kone me aapki ek jhalak si mil jati hai,
Is aarzoo ko ek dhundhla sa ishara hi kafi hai.
Sach kya aur khwab kya,
Inke fasle aur dooriyan kya.

Kahin ek ansu,
Kabhi ek muskan,
Hi hame sahara de jata hai.

Kahin chote se patte par boond bhar os,
Khushi ka noor ban jaata hai.
Hume yaad dila jata hai,
Ke kal bhi hoga.
Wo bhi ayega aur phir ek baar
In bikhre hue kagaz par kahani likhi jayegi.

In jharte hue ansu,
Is dil ki ek khoi dua,
Kabhi rang layegi.
Is Zindagi ko phir ek matlab mil jayega.