Kapit Ka Poem by Marites C. Cayetano

Along pabalik sa dagat
kanyang lakas di mo kayang talunin
sa kahit na anong kaya mong makapitan
kapit ka
kung iyan lang ang tanging daan
upang ika'y di matangay.

Banging nakakalula
kanyang taas tiyak ang iyong kamatayan kapag ika'y bumagsak
sa kahit na anong kaya mong makapitan
kapit ka
kung iyan lang ang tanging daan
upang ika'y di bumagsak.

Kapit ka
kapit ka...
huwag kang bibitaw
kahit na ba sa pispis kong mga bisig
kung ito lang ang tanging daan
upang ika'y mabuhay.