Kimkim Poem by Alnaver Baltazar

Gusto kong makita ang mukha
ng buwan sa tubig;
Laban sa anino ng kanyang kalu’lwa.

Gusto kong makita ang mukha
ng buwan sa tubig;
Naglilikot,
Nalulunod
Sa salimbayan ng sayaw ng alon…
tulad ng pag-ibig kong
pumapatay sa akin.

Isang mumunting liwanag na pilit
nilulukob ng walang hanggang
kadiliman,
Ano pa ma’t ang kanyang liwanag,
ay pawang hiram lamang.

Gusto kong makita ang mukha
ng buwan sa tubig;

Laban sa anino ng kanyang kalu’lwa.

August 1997

Source:
http: //lovelifepoems.wordpress.com/2011/08/04/kimkim/