Adeem Hashmi

(1946 - 05 November 2001 / Faisalabad / Pakistan)

Kuch Log Jin Ko Fikr-E-Ziyaan De Dia Gaya - Poem by Adeem Hashmi

Kuch Log Jin Ko Fikr-E-Ziyaan De Dia Gaya
Kuch Wo Hain Jin Ko Sara Jahaan De Dia Gaya

Dil Ki Muhabbaton Ka Bahao Hai Jis Tarah
Darya Hai Jis Ko Aab-E-Rawaan De Dia Gaya

Aankhon Ko Saamnay Ke Ilaaqay Deay Gaye
Dil Ko Chhupa Hua Bhi Jahaan De Dia Gaya

Izhaar-E-Ishq Wo Bhi Baru-E-Sitam'garaan
Koh-E-Garaan Ko Sung-E-Garaan De Dia Gaya

Jesay Haray Shajar Ko Laga Di Gai Ho Aag
Kuch Iss Tarah Ka Dil Ko Dhuaan De Dia Gaya

Bichhray Nahi, Wo Baat Bichharnay Ki Yaad Hai
Ghaa'o Nahi Dia Hai Nishaan De Dia Gaya

Rehta Kisay Adeem Baharon Ka Intezaar
Acha Hua Ke Ehd-E-Khizaan De Dia Gaya

Roz-E-Hisaab Khauf-E-Hisaab Uss Ko Hai Adeem
Wo Jis Ko Fikr-E-Sood-O-Ziyaan De Dia Gaya


Comments about Kuch Log Jin Ko Fikr-E-Ziyaan De Dia Gaya by Adeem Hashmi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012

Poem Edited: Wednesday, April 25, 2012


[Report Error]