Kun Gurano Kamundo An Buhay Ta Poem by Frederick Maurice S. Lim

Habo tang paghurunan an ugat nin luha nin kinaban…

Haputon ta an kataning ta

Kun nata siya minahibi,

Pigkukurab kitang baka lalo siyang makulugan,

Pero satuya bang pigbalo?

Habo tang maghapot ta muya ta ki tuninong na pagkaturog.

Pero gurano katuninong an satuyang pangiturugan

Kun an satuyang kataning salming kan satuyang namamatean?



Baka sa paghapot sa kataning makua ta an simbag.

Kun habo tang haputon an satuyang sadiri,

Haputon ta su iba,

Duman mapuon an paghahanap,

Baka lamang mahali an puling sa mata,

Balua.