Suke ndaqengqeleka!
Suke ndeedengelele!
Suke ndaxel'iqaqa liziqika-qika!
Suke ndangumquq'uqikelela!
Andizenzi koko ndiv'uthandao
Lundambethe kwaye luyandifudumeza
Ndibon'uncumo lwakho
Koko lundenz'iintloni
Phambi kwabo abahloli
Andizenzi nto nje ndonwabile
Kuluchulumanco ngaphakathi kum
Iyapetsula intliziyo yam
Yenzwa kuko ukuthandwa nguwe,
Eneneni wena ulithemba lam
Kuba elakho ndingenako ukuliswantsulisa
Suke ndeeqathatha!
ndibabatheka nguwe nzwakazi yegazi
Sule ndeeqikilili!
Ndinyumbazwa lilizwi lakho,
Isimanga sentloni ondenza zona
Kunjalo ke ukuqonywa yingilosi enguwe
Kuliphupha endilinikwe licamagu
Ngantlangothi ngase ndingaphaphami
Kuba ingesiso naso kwizono,
Isono sokukuphuza esidleleni
Milebe yam inga-ingavuma ithi:
Ishiiiiii! !
This poem has not been translated into any other language yet.
I would like to translate this poem