Ke dirobaroba nakedi tsa ga Mmasedi' a Mphela
Ke tlou ya ga Mmammipa-a Moatshe
Pholola matlhare, Pholola Matlhare oo Masudubele
Motho wa ga nthapele ga ke ntse
Ga ke tla go ema ga ke na borapelo
Ke Letebele le lentsho la ga Mzilikazi
La ga Mzilikazi wa Mmashobane
Motho yo go tweng ga a beelwe tema
Motho wa o ka mpha nka mo raya maina
ka go raya maina mafatshwa
Motho yo o rileng a tshela noka
A tshela mmamanthane
Mosetsana a kgaoga thapo.
A re o se tsamaye le banyana ba metsaneng,
Ba tla go ruta dipuo
Ba go rute dipuo di sele
Ba go rute bo kepelekepete.
Ke motho wa marobaroba a magolo a mpepe
Mpelege ke se we, nka wa nka palelwa ke go ema
Ka selopo ke belege lesea, ke fate ke fatakolole
Ka dinao ke gate ke gatoga.
Fa ke tsamaya o tlhoke go ultwa mokgwasa
Ba bo ba re ke mabela ba be ba ntshoga mmele
Fa ke gatile go sale dibataolo e sale a le sekaka.
Nna Letebele le le ntsho la ga Moselekatse
Mmina tlou ya go tlhoka molekane.
This poem has not been translated into any other language yet.
I would like to translate this poem
Ke motlhako mo Botswana Ramotswa Nnotho Molwele ko Fox lake ke Rangwane from kanana