Masarap iwan
Ang mundo paminsan-minsan
Mag-isip…
Lumaya…
Magsalita…
Lumuha…
Lumuha ng ganap
tulad ng patak ng ulan,
animo’y wala na ngang hangganan.
Sa lugar ng kawalan
ang pagdampi ng hangin ay buhay,
Ang pag-agos ng tubig
ay nagbibigay kulay.
Ang sarap iwan
Ang katotohanan ng buhay
Mag-isip ng mga bagay na
hindi natin makapa.
Ang sarap lumuha
at palayain ang lahat…
Mag-isip…
Magsalita…
Lumaya…
Lumuha…
Sapagkat bawat patak ng luha,
Ay isang katiting na paglaya…
Source:
http: //lovelifepoems.wordpress.com/2011/08/04/luha/
This poem has not been translated into any other language yet.
I would like to translate this poem