Mandilandwe Ndibuyiswe Poem by Anele Potelwa (Unpublished)

Mandigoduke namhla
Ngeli lixa umbombo mawuqhoshe
Igugu malintingele kwabandithandayo
Intlabathi yoobawomkhulu ndiyiva ngevumba
Ikhwelo likatatomkhulu mandilive ngengxolo

Ndikhumbul'ikhaya
Ubushushu bolonwabo
Izingqi zemigcobo
Aph'ihlale inyumbazeke intliziyo Yam

Ndiyagoduka namhlanje
Ndiyongcamla kumbandavu wamanyange
Ndiyokwetyisa kulo mphothula wezinyanya
Ndichul'ukunyathela ngengoma yothando
Ndidl'amaqhashu ndidlal'uqashiqashi

Ndikhumbul'ikhaya
Ndikhumbul'iintlanti zakuthi
Ndikhumbul'amasimi akuthi
Ndikhumbul'igazi lakuthi
Ndikhumbul'ikhaya
Koko mandilandwe ndibuyiswe