Mein - Ek Sooraj Poem by Parul Agarwal

Sooraj hoon mein
karoon kyaa abhimaan

Sardi mein dhoop.
Sunheri roshni kaa
liye roop;
sabko bhaati hoon

Jo aaya nazdeek mere
jal gaya - ho gaya khaak

Kyun jalate hoo mann
kyun hote ho pareshaan
yahi hai mera kaam
rakho naa; Iska maan

Na choo paayi kabhi dharaa ko
door se dekh muskaati hoon

Choo naa kabhi sakungi tumhe
iskaa hai mujhe gyan
meri pahunch se door hai dharti
Astitva kaa apne - karti kyaa abhimaan

Sooraj hoon mein
bus ek sooraj hi toh hoon.

06/03/08