Nasir Kazmi

(8 December 1925 - 2 March 1972 / Ambala / British India)

Nasir Kya Kahta Phirta Hai Kuch Na Suno To Behtar Hai - Poem by Nasir Kazmi

'Nasir' kya kahta phirta hai kuch na suno to behtar hai
diwana hai diwane k mun na lago to behtar hai

kal jo tha wo aj nahi jo aj hai kal mit jayega
rukhi-sukhi jo mil jaye shukr karo to behtar hai

kal ye tab-o-tawan na rahegi thanda ho jayega lahu
nam-e-Khuda ho jawan abhi kuch kar guzro to behtar hai

kya jane kya rut badle halat k koi thik nahi
ab k safar main tum bhi hamare sath chalo to behtar hai

kapre badal kar bal bana kar kahan chale ho kis k liye
rat bahut kali hai 'Nasir' ghar main raho to behtar hai

Listen to this poem:

Comments about Nasir Kya Kahta Phirta Hai Kuch Na Suno To Behtar Hai by Nasir Kazmi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 13, 2012



[Report Error]