Ganito talaga ang buhay,
Pakikibaka ay walang humpay;
Buti na lang ika’y may kapiling,
Kaagapay sa bawat pagdaing.
Kaya’t Luha mo’y pahirin
At isiping mabuti ang dapat gawin;
Huwag mo ring limuting
Umusal ng taimtim na panalangin.
Sa pagkalugmok ika’y tumayo na,
Tama na ang walang katuturang pagluha;
Isiping may umaga pang sa iyo’y naghihintay,
Namnamin mo ang ganda ng buhay.
Lagi mo ring alalahanin,
At laging lilingunin;
Mga aral na iyong natutunan,
Sa pakikibakang iyong napagdaanan.
Humayo kang may ngiti sa labi,
Sapagkat ika’y di nagapi;
Ang Dios sa itaas ang saksi,
At laging mong kakampi.
Masked Lady
May 13,2009
This poem has not been translated into any other language yet.
I would like to translate this poem