Hinahanap ka kan daghan kong napupungaw
hain ka na ngunyan ta ako napupurisaw
hare man lugod pag-isipan ako nin maraot
magpamati ka man kan nin maski dikit na pagkamoot
Hinahapot ko an sadiri ko kun nata
sa kinaban kong naghahangad nin himala
ta ika sana nanggad an kapanuan
hinahalat nin mayong kapagalan
o sakong namumutan hain kana baya
huli ta sa isip ko dai ka nawawara
dangoga man an puso kong naghahalat
tawi man nin panahon an daghan na ika an hanap
nuarin ko daw mahihiling an padaba ko
haloy ko ng minamawot na makaharani simo
alagad minarayo ka poon pa kaidto
lugod saimong paunrahan an namomoot na puso ko
[4 August 2011, Naganagamadero]
This poem has not been translated into any other language yet.
I would like to translate this poem